Con demasiada
frecuencia tanto dirixentes políticos como sindicais fan a vista gorda diante
dos enormes estragos que no medio ambiente producen algunhas actividades
industriais –como por caso as industrias extractivas- baixo a xustificación dos
empregos e a riqueza que se crean e de que “mais contamina o desemprego e/ou a
fame”.
Aínda entendendo
as razóns que levan a eses dirixentes a defender este tipo de industrias tan
daniñas penso que “as árbores non lles deixan veren o bosque”. Galiza é un caso
paradigmático de impacto ambiental pola actividade das industrias extractivas:
as bisbarras de Valdeorras e Porriño-Mos
pasan por seren as mais emblemáticas pero, como dicía nun texto anterior, son
moitas mais as bisbarras que soportan ese impacto tal que Galiza vai camiño de
se converteren nunha grande canteira. Compre, xa que logo, facer unha pequena
reflexión sobre o tema deixando a unha veira tópicos e falsos argumentos
preconcibidos con frecuencia demagóxicos.
Segundo as
fontes mais fiables nos momentos mais álxidos da actividade –que coinciden cos
anos da burbulla inmobiliaria- o nivel de extracción de granito acadaba en
Galiza a cifra de 800.000 toneladas anuais (60% do total español) creando 2.800
empregos directos e 2.000 indirectos. Pola súa parte a extracción de lousa
acadaba nas mesmas datas un volume superior as 560.000 toneladas anuais (70% do
total español) creando un numero estimado de 3.300 empregos. Poidan que non
sexan datos exactos dadas as fontes pero non deben andar moi lonxe da
realidade. O que non nos din esas fontes é nin o volume de terra e masa vexetal
que se mobilizou con esas extraccións nin o volume de residuos e/ou sedimentos
que se orixinou. Nin tampouco o volume de auga contaminada, de enerxía
consumida ou de terra mobilizada so polas vías de transporte. Non falemos xa do
tempo que deberá transcorrer para que eses terreos recupérense, aínda que sexa
parcialmente, do deterioro producido. Si que iso é posible, cousa que
dubidamos.
Esta dobre vara
de medir –vantaxes/perigos- para este tipo de actividades industriais –como
sucede con moitas outras- e moi típico das ideoloxías desarrollistas que so
teñen en conta os intereses do capital, dos empresarios esquecéndose do
interese global da sociedade que vive e desenvolvese no lugar escollido por
esas industrias extractivas. Calcúlase canta riqueza (produción, ventas, emprego)
se crea e se desenvolve pero, calcúlase canta riqueza (recursos naturais,
enerxía, produción animal e masa vexetal …) se destrúe polo camiño?. Calcúlase
canta riqueza se podería teren creado con outras actividades menos agresivas co
medio ambiente?. Unha vez pasada a euforia desarrollista, están agora esas
bisbarras mellor que antes?, ou tan sequera seguen cando menos igual que antes
da explotación?, son reparables os desastres causados?, que territorio queda
para as xeracións futuras?: lémbremos que so entre Porriño e Valdeorras
extraéronse unha media anual de 1.500.000 toneladas entre granito e lousa.
“A especie humana afastouse do modelo de
funcionamento da biosfera cando empezou a usar masivamente os combustibles
fósiles para acelerar as extraccións da cortiza terrestre e estender o
transporte horizontal por todo o planeta. Utilizar o ferro e o carbón para
fabricar e abastecer maquinas de vapor que aplicaban a súa forza mecánica para
extraer, transportar e procesar mais ferro e mais carbón, con os que obter mais
máquinas de vapor, anunciou a espiral de crecemento explosivo característico da
actual civilización. Ademais a enerxía e os materiais derivados destas
extraccións non so aceleraron os procesos industriais e elas vinculados, senón
tódolos outros procesos de explotación dos recursos planetarios, favorecendo
tamén o crecemento exponencial da poboación. Esta espiral de crecemento, ao
apoiarse no manexo en grade escala dos stocks de determinados materiais
contidos na cortiza terrestre, sen devolvelos a súa calidade orixinaria de
recursos estaba abocada a acentuar o deterioro do patrimonio natural tanto pola
extracción de recursos como polo vertido de residuos, resultando xa que logo
globalmente inviable” (J.M. NAREDO: “Raíces económicas del deterioro económico
y social”. S.XXI)
Manoel Barbeitos Alcántara
.
No hay comentarios:
Publicar un comentario