jueves, 7 de enero de 2016
O MODÉLICO CAPITALISMO ALEMAN (IV)
E noticia
frecuente nos medios de comunicación e opinión europeos o sistema laboral alemán que moitos tentan presentar como modélico
para Europa. Os datos semellan darlle a razón aos que o loubán: o desemprego en
Alamana ven movéndose entre o 5-6%, cifras que resultan indiscutiblemente
notables si temos en conta a media europea (9-10%) por non falar de España
(22-23%).
Agora ben,
dito isto resulta oportuno subliñar os por que deste “éxito”, que hai realmente
detrás destas cifras e moi especialmente facelo dende o punto de vista das
clases traballadoras alamanas.
Algunhas
fontes fiables sinalan que a raíz deste éxito hai que buscala nas reformas
laborais que o canciller socialdemócrata Schroder puxo en marcha durante os
anos 2003 e 2005 e que posteriormente adoptou como propias a actual canceller
A. Merkel. Unhas reformas que se coñecen polas Leis Harz –asesor naqueles momentos de Schroder e que tamén fora director de recursos humanos
da empresa automobilística Wolksvagen-. Unhas leis que podemos resumir no
seguinte: 1º. Obrigación dos desempregados de aceptar o traballo que se lles
ofreza independentemente de que o salario estea por baixo do subsidio de
desemprego. 2º. Redución a 1 ano do período de pago do subsidio de desemprego
para os traballadores de mais idade. 3º. Endurecemento das condicións de acceso
ao subsidio de desemprego. 4º. Fusión de tódalas axudas sociais –incluído o
subsidio de desemprego de longa duración- con un tope máximo de 345 euros
mensuais. 5º. Retraso de 65 a 67 anos da idade legal de xubilación. 6º. Suba
das cotizacións. 7º. Ampliación do copago na atención sanitaria. 8º. Instauración
dos minijobs por un importe que non pode superar os 400 euros ao
mes: a medida estrela.
Cales foron
entre outras os efectos destas medidas?: podémolas resumir en que na derradeira
década estas medidas colaboraron a que as desigualdades medraran en Alamana de
xeito espectacular. O 0,1% das familias alamanas mais ricas posúen o 15% da
riqueza, o 1% o 31% e o 10% entre o 65 e o 70% da riqueza. Hai un aumento
constante e crecente da pobreza que chegaba no ano 2013 ao 15% da poboación -a
taxa mais elevada das derradeiras décadas- ao tempo que medran as desigualdades
rexionais. Medra tamén exponencialmente a precariedade laboral -4 de cada 10
asalariados teñen un minijob- maiormente entre as mulleres (70%) –os xubilados tamén teñen que buscarse un
minijob pola caída das súas pensións-. Medran asemade os empregos precarios ao
tempo que se reducen os fixos a tempo completo –nos derradeiros 10 anos
perdéronse 1 millón de empregos fixos-. En dez anos a porcentaxe dos
traballadores protexidos por convenios colectivos baixou 13 puntos.
Datos todos
eles que poden comprobarse en calquera publicación especializada que aínda
presentando algunhas pequenas variacións nos datos estatísticos todas confirman
as tendencias subliñadas.
Este é o
modelo laboral que as autoridades e a banca alamanas intentan exportar a toda
Europa, o que están conseguindo grazas ao apoio da maioría dos gobernos
europeos e da mesma troica (FMI, BCE, CE). Non resulta por iso casual que a
Unión Europea, segundo a OIT, sexa a única rexión do mundo –xunto co Medio
Oriente- na que os salarios reais veñen caendo dende que estoupou a crise
(2008).
Compre
nembargante facer unha serie de puntualizacións complementarias sobre o modelo
laboral alemán, que deixo para outro artigo, xa que aquel vai mais aló do que
aquí se expón. Hai outros aspectos moi importantes e positivos a considerar
–como o peso dos sindicatos alemáns, o comportamento dos empresarios da
industria alemáns, unha parte do sector financeiro, etc.- que, por suposto,
tanto para a banca alamana, como para o goberno alemán, os gobernos europeos de
torno e a propia troica ….. son aspectos que non son exportables.
Manoel Barbeitos Alcántara
Suscribirse a:
Enviar comentarios (Atom)
No hay comentarios:
Publicar un comentario