A maioría das
enquisas que se están realizando sobre os posibles resultados das vindeiras
eleccións xerais do 26 de xuño apuntan a que mais do 90% dos votos irán as
catro forzas maioritarias (PP, UP, PSOE e C´s). A enquisa do CIS outórgalle
unha porcentaxe de votos do 29,2% ao PP (118-121 deputados), 25,6 a UP (88-92 deputados),
21,2 ao PSOE (78-80 deputados) e 14,6 a C´s (38-39 deputados). O sistema
electoral español fai que a proporción en votos non coincida coa proporción en
deputados. Unha anomalía que debera ser corrixida urxentemente.
Un resultado tal
permite varias alianzas, una das cales podería ser a formada por UP-PSOE que
sumaría entre 166 e 172 deputados que superarían a suma de PP e C´s con unha
forca entre 156 e 160 deputados. Estando a maioría en 176 deputados parecera
mais lóxica a primeira ca segunda alianza de goberno: claro está que entre PP e
PSOE suman entre 196 e 201 deputados. O PSOE ten a palabra.
Persoalmente hai
algo que me chama poderosamente a atención: os resultados previstos para o PP
que farán que, de confirmarse, sega sendo a forza política mais votada en
España. Non podo por mais que preguntarme, como é posible que tal cousa suceda?.
Un partido que ten as súas raíces na ditadura franquista como pode seguir sendo
a forza política maioritaria?. Lembremos que entre os fundadores deste partido (PP)
sobresaen políticos que ocuparon cargos relevantes durante a ditadura
franquista e que, incluso, algúns tiñan “as mans manchadas de sangue”: Fraga
Iribarne, Silva Muñoz, Licinio de la Fuente, Lopez Rodó, Fernández de la Mora….
foron ministros co xeral Franco un dos ditadores mais sanguinarios do século
XX. E que moitos galegos e españois non teñen memoria?.
Por si non foran
suficientes estes antecedentes durante a pasada lexislatura que presidiu M.
Rajoy (PP) saíron a luz un incontable número de casos de corrupción no que
dirixentes e directivos do PP están directamente implicados, moitos dos cales
rematan imputados: Andratax, Arcos, Baltar, Bankia, Barcenas, Cooperación,
Fabra, Gúrtel, Imelsa, Naseiro, Noós, Palma Arena, Pokemón….. son algúns deses
casos en número suficiente para deixar en evidencia que o PP é un partido con
corrupción sistémica, un partido cuxos dirixentes teñen a corrupción como unha
das súas estratexias políticas mais relevantes. A intensidade e a extensión da
corrupción é tal que debera ser suficiente, si España fora un estado
democrático avanzado, para que ese partido desaparecera da escena política.
Lembremos que nun estado europeo do noso entorno (Italia) un sistema de
corrupción parecido pola súa extensión, xa que afectou aos principais partidos
políticos italianos (DC, PSI… que levaban gobernando xuntos varias décadas)
agás o PCI, e a un número relevante de empresarios e industriais rematou nun
proceso xudicial –Mans Limpas (Mani pulite) tamén coñecido como Tangentopoli-
que involucraría a numerosísimos ministros, deputados, senadores, empresarios
quen serian imputados e arrestados. Un tsunami político que logo dun par de
anos daría lugar a un novo mapa político –coa práctica desaparición da DC e PSI
principais implicados na trama corrupta-. Cabe subliñar o papel clave que en
todo este proceso de derrube do vello réxime –que levaba mais de 50 anos vixente-
tiveron tanto a cidadanía, como o sistema xudicial como moitos medios de
comunicación e opinión italianos. Un papel que, desgraciadamente, non estamos
vendo en España e que proba que si Italia é, con todos os seus defectos, unha
democracia consolidada, España aínda ten u longo camiño por percorrer para
chegar a selo. Quizás a diferenza parta de que Mussolini foi axustizado polos
seus cidadáns mentres que Franco morreu na cama.
Por si todo o
anterior non fora suficiente bagaxe o pasado goberno de M. Rajoy (PP) puxo en
marcha unha serie de medidas de política económica –austeridade fiscal, rebaixa
salarial, privatización de activos públicos- que provocaron un deterioro
económico e social tal que España é, xunto con Chipre, o estado da OCDE onde
mais medrou a desigualdade cuns niveis de exclusión social e pobreza sen
precedentes dende a II Guerra Mundial. Ao tempo a diferenza entre as rendas de
capital e traballo acada valores descoñecidos nas derradeiras décadas.
Paralelamente os recortes postos en marcha están deteriorando, como nunca, o xa
deficitario estado de benestar. Finalmente a democracia española aparece como
unha das democracias más fráxiles de Europa por mor das políticas que ese
goberno está poñendo en marcha –como por caso a lei mordaza….-.
Si neste
contexto de enorme deterioro económico, social, político e cultural o partido
causante do mesmo (PP) segue sendo o partido maioritario é que algo non
funciona en España. Unha España na que aínda hai moito franquista enquistado
nas grandes fortunas, nos partidos políticos e nos medios de comunicación -que
aquelas financian- e, tamén, en parte da cidadanía. Unha España na que, segundo
a miña opinión, algo cheira a podre
Manoel Barbeitos
No hay comentarios:
Publicar un comentario