Un dos efectos
políticos mais relevantes da crise económica actual é o enorme impacto que está
tendo sobre unha corrente de pensamento político que nas derradeiras décadas
tivo unha presencia e un peso político decisivos en Europa: a socialdemocracia.
Un impacto tal
que nalgúns países europeos dos chamados periféricos (GIPS) hai razóns dabondo
para pensaren que podemos estar diante dun feito histórico cuxas consecuencias
–políticas e sociais- aínda están por veren: a perda de relevancia, cando non a
desaparición, da socialdemocracia como alternativa de goberno –pois como
alternativa de cambio fai tempo que deixou de selo-.
Seguramente a
moitos –especialmente se son afiliados ou simpatizantes- está afirmación
pareceralles esaxerada e/ou pouco rigorosa pero coido que hai argumentos e
feitos dabondo como para mantela. Feitos que están a vista se, por exemplo,
avaliamos a situación actual da socialdemocracia non so nos países europeos
mais castigados pola crise económica –Grecia, Portugal, España- senón incluso
naqueles outros en que a situación e menos crítica –Francia, Alemana, Holanda, Austria,
Gran Bretaña..-. Argumentos que se derivan, basicamente, da súa incrible
incapacidade para atopar propostas alternativas ao neoliberalismo dominante.
Aínda con
importantes diferencias de matiz o papel que a socialdemocracia xogou e está a
xogar nos países europeos periféricos –Grecia (PASOK), Portugal (PSP) e
España (PSOE)- nesta crise económica esta levándoa a un enorme desprestixio
entre a maioría da cidadanía especialmente a mais castigada pola crise –os/as
cidadáns de rendas medias e baixas que deberan seren xerémolo da súa base
social-. Un enorme desprestixio que tivo o seu reflexo político tanto na
sucesiva perda de apoio popular –con perda do goberno incluída- como nunha
caída en picado da súa ascendencia entre a cidadanía –como reflicten tanto os
sucesivos procesos electorais como as propias enquisas, o seu afastamento con o
movemento sindical..-.
Un desprestixio sen
precedentes nin inmediatos nin afastados e que me levan a pensar senón estamos
diante dunha “crise terminal” da socialdemocracia nestes países que pode
transformarse nunha crise terminal do conxunto da socialdemocracia como opción
política e ideolóxica.
Unha crise que,
polos feitos que ocorren, non é exclusiva dos países europeos periféricos senón
da maioría dos países europeos o que avalía e confirma a afirmación anterior.
As enormes “dificultades” que está mostrando o goberno francés –que pilota en
exclusiva a socialdemocracia francesa- para aportar unha opción alternativa ao
neoliberalismo alemán dentro da Unión Europea, o morno e difuso papel de
oposición da socialdemocracia alemana ao goberno da Sra. Merkel, o labirinto no
que aparecen enforcados os laboristas ingleses, a ambigua formulación da
socialdemocracia holandesa...... son feitos políticos que considero reflicten
unha situación de crise ideolóxica e política do movemento socialdemócrata
europeo.
Unha crise para
cuxa comprensión hai que remontarse a caída do muro de Berlín (1989) e a
aparición da chamada mundialización que se veu favorecida tanto polo feito
histórico anterior como por unha serie de medidas de política económica que,
dende institucións internacionais (FMI, BM, OMC...), foron impostas moitas das
veces con a complicidade da mesma socialdemocracia.
Pero deso falarei
en colaboracións sucesivas.
No hay comentarios:
Publicar un comentario