En capítulos
anteriores reflectín como a resposta socio-liberal da socialdemocracia a
mundialización financeira e as súas crises sistémicas –como a actual crise das débedas
soberanas- era unha das principais razóns do seu declive. A realidade destes
últimas décadas mostra a unha socialdemocracia incapaz de defenderen con
firmeza ao emprego e ao estado de benestar e á mesma democracia dos ataques
neoliberais. Tampouco parece ser quen de daren unha resposta convincente a novas
crises como a medioambiental e a alimentaria. Crises tódalas elas que teñen
unha dimensión internacional, diría que planetaria, polo que esixen propostas a
ese nivel ou cando menos a nivel rexional –Unión Europea, por exemplo- algo que
a socialdemocracia non parece quen de ofrecer.
En capítulos
anteriores (III) tamén reflectín cales eran as características mais relevantes
da mundialización, a nova e actual fase de desenrolo capitalista. Unha
mundialización que si inicialmente tiña tres piares fundamentais –financeiro,
comercial e político-militar- tamén adoptaba unha clara senda neoliberal ao
apoiarse en tres liberdades: a liberdade de circulación de capitais, a
liberdade de investimento e a liberdade de comercio. Tres liberdades que lle
permiten aos chamados “mercados” –maiormente financeiros, especulativos-
impoñer aos gobernos e parlamentos a súa propia lei: algo que agora está
sucedendo no seo dos países da Unión Europea e moi especialmente no países
europeos periféricos –España, Grecia, Irlanda, Portugal..-.
Unha
mundialización neoliberal que, apoiada nesas tres liberdades, impón a total liberalización e desregulamentación das
finanzas que favorece tanto unha presencia cada vez maior das operacións
financeiras –maiormente especulativas- como un crecente protagonismo dos
paraísos fiscais, a liberalización dos
intercambios comerciais –que marxina e explota aos países e pobos do
terceiro mundo-, o crecemento das
empresas multinacionais –que favorece a deslocalización empresarial- e a concentración do capital nunhas poucas
empresas oligopolistas entre outros fenómenos non menos relevantes.
Unha
mundialización neoliberal que fronte as crises sistémicas -maiormente reflectidas en
“crises da débeda”- impón aos países afectados –con maior intensidade si son periféricos-
duras políticas de axuste fiscal con
brutais recortes no gasto público e durísimas reformar laborais.
Unha
mundialización neoliberal que, xa que logo, supera aos estados nacionais
facendo ineficaz a resposta tradicional da socialdemocracia a nivel exclusivamente estatal. Unha mundialización que esixe, como dicía, respostas a nivel
internacional pero tamén respostas novas –por seren novos os problemas- por
parte de calquera proposta que queira seren alternativa. Algo que, como estamos
a veren, a actual socialdemocracia –e polas razóns xa apuntadas- non é quen de
presentar o que trae aparellada a súa crise de identidade: crise que algúns
consideramos imposible de resolver sen cambios profundos tanto nas súas estratexias
como nas súas formas de funcionamento e de conexión con a sociedade civil como
–absolutamente necesario- de artellamento internacional.
En próximos
artigos escribirei sobre algunhas propostas de esquerdas.
Manoel Barbeitos Alcantara
No hay comentarios:
Publicar un comentario