Vaia
por diante que a verdadeira cidada da cultura, se algunha merece tal
título en Galicia, é Santiago de Compostela, non o enxendro que teimou o
xa falecido señor Fraga, pode que por ver se así quedaba inmortalizado.
Pero xa sabemos que ninguén pode quedar inmortalizado, pois ata os máis
notorios persoeiros da historia, chega un momento en que son
esquecidos, aínda que sexa pasaxeiramente. Canto máis o vello
expresidente da Xunta, que antes serviu a un réxime criminal...
O Gaiás, que así se coñece o enxendro polo monte en que está ubicado,
tense levado cantidades tan descomunais de recursos que non é prudente
dar dato algún sobre os mesmos. O que si sabemos é que moitas
necesidades urxentes, de tipo social, cultural, infraestruturas, obrigas
financieiras, etc. quedaron relegadas polo empeño en manter unha obra a
todas luces innecesaria, porque se algunha cidade de Galicia ten
cubertas as súas necesidades de infraestructura cultural, esa é Santiago
de Compostela.
Digo que é Santiago a verdadeira cidade da
cultura pola súa Universidade, polos seus arquivos e museos, pola súa
actividade teatral, científica, congresual, etc. que semana a semana se
produce na capital de Galicia. Inventarse unha "cidade da cultura" non
só en un insulto o moito que se ven feito por uns e outros, senón un
desprezo polos recuros que aportamos todos los galegos (e non galegos)
para o mantemento do país.
O expresidente Touriño, que nada ten
que ver co xa mencionado señor Fraga, non foi quen de paralizar as
obras do enxendro, e agora o Presidente Feijoo dí que o fará, aínda que
teño para mín que é un xesto que pronto se rectificará, a pouco que uns
"brotes verdes" asomen por calquera lado, porque os compromisos do
Partido Popular co arquitecto e demais persoal que se ten levado xa unha
morea de cartos, ademais das empresas contratadas e subcontratadas,
farán presión para que así sexa.
A cidadanía galega debera -na
miña opinión- opoñerse á continuación do enxendro. Debería esixir que
quedase como está -adaptado minimamente- para os fins que se elixan;
para o cal debe consultarse coa Universidade, coas asociacións cívicas,
con Consello da Cultura, coa Real Academia Galega da Lingua e con todo
aquel que mostre interés por aproveitar unha infraestrutura que non tiña
por que ser enxendro, pois como creación plástica ten o seu interés,
pero que é un enxendro polo dispendio, burla e escarnio que representa
para todos os galegos.
No hay comentarios:
Publicar un comentario