Dende fai
algúns anos, especialmente dende que estoupou a crise financeira, as elites
alamanas (maiormente os banqueiros e os dirixentes políticos) non paran de dar
consellos aos demais gobernos europeos, sobre o que deberan ou non deberan
faceren, e incluso chegan mais aló: soltan reprimendas, broncas, regáñenas moi
especialmente aos cidadáns dos países europeos periféricos polo noso “mal
comportamento” causa, segundo eles, dos nosos problemas.
Dende o xa
manido argumento de que “vivíamos por riba das nosas posibilidades”, ata isto
de que “non facemos ben os deberes”. E póñense así mesmos –políticos,
banqueiros, empresarios….- como exemplo de cómo hai que facelas cousas.
Pois ben, a
realidade non é tal e como eles no la presentan ou nola queren faceren veren.
Así por caso voume a referir a conduta dunha das institucións alamanas “mais
respetadas” e tamén “mais poderosas”: o Deutsche Bank. Un banco privado adalide
do austericidio que con tanto rigor quere aplicar a troica (BCE, FMI e CE) nos
países europeos periféricos. Un banco privado cuxo comportamento financeiro
–xunto ao doutros grandes bancos europeos- fai que, nembargante, algúns
pensemos que a Unión Europea conta no seu interior con auténticas armas de destrución
masiva que de estoupar a vítima principal pode que sexa a propia UE. Motivos
para este temor hainos polo que ben faría esa elite alamana en coidar mellor a
súa propia casa antes de meterse na dos veciños.
Como xa dixemos
noutro texto o Deutsche Bank –“un banco universal”- é un dos bancos mais grades
do mundo si nos fixamos nos seus balances (coñecidos). Segundo os datos mais
fiables o valor dos seus activos equivale ao 85% do PIB alemán –moi por riba
dos 2 billóns de euros-: preto de 2 veces o PIB español. Como o resto dos
grandes bancos a súa actividade principal é a especulación –e non a concesión de créditos a familias, pemes ou
entidades públicas-. Mantén altísimos niveis de apalancamento (50%) e os seus
fondos propios xiran en torno ao 2% dos seus activos –rateo de apalancamento-, polo
que está sempre sorteando a creba –con ese nivel de apalancamento e con un
volume de préstamos elevado, 50% do capital, entraría en creba-. Este banco
(DB) ao igual que o resto de grandes bancos posúe como activos unha grande
cantidade de produtos financeiros que son auténticas bombas de reloxería (alta
rentabilidade/alto risco). Ao igual que o resto de grandes bancos acostuma a
asumiren altos riscos por estaren convencido de que en caso de perigo o estado
alemán –e a Unión Europea- acudirá sempre no seu auxilio (“too big too fall”).
Este banco
ocupa un lugar privilexiado no mercado de commodities
–que especulan con os alimentos e as materias primas- provocando con os seus
métodos especulativos brutais escaladas nos prezos dos alimentos con gravísimas consecuencias para os países
pobres como pasou nos anos 2007 e 2008 con millóns de persoas pasando fame
mentres este banco obtiña, grazas a esas subas, enormes ganancias.
O Deutsche Bank
tamén intervén no mercado cambiario (15,2% do mercado) igualmente para
especular: o DB foi un dos grandes bancos mundiais (15) que participou, no ano
2013, na manipulación do mercado cambiario mentres os bancos centrais facíanse
os suecos –entre eles o BCE e o Bundesbank-: tal foi o escándalo que finalmente
o DB sería multado pola Comisión Europea.
O relato das
“aventuras financeiras” deste modélico banco -que, non debemos esquecelo, é un
dos principais soportes non so da CDU e o goberno conservador alemán senón
tamén do Bundesbank e, como consecuencia, do BCE eixo central da troica- daría
para unha grande novela de terror. Un modélico banco que, nembargante, é
obxecto constante de multas e investigacións en todo o mundo polas súas “malas
prácticas” sen que nin o Bundesbank, nin o Ministerio de Facenda –e, xa que
logo, o goberno alemán- fagan outra cosa que pechalos ollos.
Segundo o Financial Times –periódico pouco
sospeitoso de seren inimigo dos bancos- nos derradeiros anos o Deustche Bank
ten aparecido involucrado –amais das operacións xa citadas anteriormente- en
operacións de manipulación dos prezos da electricidade (California), nunha
montaxe fraudulenta de venta de certificados de emisións de CO2, na
manipulación dos prezos de venta do ouro e a prata, en grandes operacións de
evasión fiscal e de manipulación de contas, en branqueo de diñeiro (Dubay) e
corrupción –con condenas de directivos- de clientes de fondos de pensións
(Xapón)….
Compre deixar
moi claro que o Deutsche Bank non podería desenvolver esta exemplar traxectoria
sen a complicidade, ou cando menos o silencio do goberno alemán, o Bundesbank e
o propio BCE. Claro que estes están moito mais preocupados polo comportamento
do actual goberno grego (Syriza) do que confían “non faga promesas ilusorias
que o país non se pode permitir e que continúe coas reformas estruturais que se
necesitan sen poñer en cuestión o conseguido deica agora” (J. Weidman
presidente do Bundesbank).
Como se pode
veren a desfachatez desta elite alamana –como a súa homóloga europea- non ten
límites.
No hay comentarios:
Publicar un comentario