Volvendo a ler
un libro do meu admirado profesor John Kenneth Galbraith (“Un viaje por la economía de nuestro tiempo”. Ariel Economía) non podo por menos que recordar aquela famosa frase
do, tamén admirado, Karl Marx cando suliñaba “Hegel di
nalgunha parte que tódolos grandes feitos e persoaxes da historia universal
aparecen, como si dixéramos, dúas veces. Pero esqueceuse de agregar: unha vez
como traxedia e outra vez como farsa.” (“El
18 de Brumario
de Luis Bonaparte”
Biblioteca de autores socialistas).
Ven
isto a conto por que cando J.K. Galbraith pasa revista aos máximos dirixentes
europeos durante a I Guerra Mundial –realmente houbo unha soa guerra que durou
dende 1.914 a 1945- non deixa “títere con cabeza” pola súa incompetencia,
ignorancia e vulgaridade. Algo que, logo de ver o por agora derradeiro episodio
europeo –o ataque brutal de goberno de Alamana e os dos países europeos
satélites ao goberno grego de Syriza-, pode seren aplicado con total tranquilidade
aos dirixentes da troica e da maioría dos estados europeos. Unha afirmación que
ven confirmada pola maioría de enquisas serias que sitúan a practicamente
tódolos gobernantes europeos –as elites políticas- como os/as personaxes menos
avaliados pola propia cidadanía. Uns dirixentes que, na súa maioría, foron quen
de presentarse as eleccións –e ganalas- con uns programas expansivos para logo
unha vez no poder esquecerse deles e aplicar un auténtico “austericidio”.
“A
ignorancia e a estupidez” –sinala Galbraith- “nos grandes asuntos de Estado non
é algo que se cite habitualmente. Unha certa corrección política e histórica
require que asignemos algún propósito e racionalidade incluso nos casos en que
é demasiado obvio que non existe tal racionalidade” –como debera pasa agora por
caso cos terribles axustes impostos ao goberno grego para poder así recibir a
axuda financeira que precisa: cal é a súa racionalidade?: todos sabemos que
Syriza non poderá cumprilos, non poderá pagar toda a súa débeda e que a
economía grega seguirá afundida nunha grande depresión-. “Un non pode mirar
desapasionadamente a Grande Guerra (e tamén as súas consecuencias) sen
considerala o resultado da estreites mental e da ineptitude dos seus
responsables” (Galbraith). Un no pode evitar deixar de pensar que o novo
“austericidio” imposto a Grecia sen pensar que o froito da estupidez e sede de
vinganza da troica e a maioría dos gobernantes europeos entre os que tiveron un
papel destacado os dirixentes españois, portugueses e irlandeses para mais
bochorno.
“A
tradición aristocrática tiña un deseño case perfecto para garantir que tanto o
Goberno como as forzas armadas estiveran en mans de líderes con unha capacidade
mínima. A selección efectuábase por herdanza, non pola intelixencia. Incluso os
individuos intelectualmente mais defectuosos podían ascender a posicións
importantes do poder civil e militar sempre que estiveran cualificados polo seu
nacemento e polos seus brasóns. E así sucedía” (Galbraith). Non parecera que esa
tradición tiña desaparecido de todo en Europa, e mais en concreto, na Unión
Europea onde cada vez hai mais evidencias de que a elite política europea
aseméllase mais e mais a esa aristocracia europea de principios do século XX. Unha elite capaz de provocar en Grecia, por
exemplo, unha caída tal da produción e a riqueza (30%) que resulta comparable
aos efectos dunha guerra civil sen que sexa quen de rectificar nas súas
esixencias de continuos axustes senón que como auténticos túzaros manteñen a
súa teima.
Recollamos
algúns opinións dos lideres das principais potencias en conflito durante a
grande guerra. “O zar Nicolas II”- Rusia-“gobernaba como un autócrata… so
estaba dotado para vivir nunha casa de campo e cultivar nabos” (ídem). “Viena,
que xunto a París era un centro renomeado pola sofisticación da súa vida
cultural e intelectual non proxectou esa distinción nin as forzas armadas nin
ao Estado. Tamén por herdanza, en ditas áreas prevalecía o monopolio case
absoluto dos ignorantes” (ídem). “Entre os países contendentes ,sen excluír a
Gran Bretaña nin a Francia, os líderes políticos e militares tamén presentaban
niveis mínimos de competencia intelectual” (ídem). Deixo para os lectores, si
os houbera, o “xogo” de resituar os nomes dos estados e dos gobernantes actuais
e de pensar si “a historia se repite…..” de novo en Europa. Persoalmente penso
que as semellanzas son evidentes. Cabe maior estupidez que crear unha UEM
contendo as bases da súa propia destrución?. Cabe maior estupidez que obrigar a
un goberno europeo a seguir un camiño que non quere seguir e que o leva a un
auténtico magnicidio?.
“En
Alamana, o mariscal de campo Paul von Beneckendorff und von Hindenburg e, en
Francia, o mariscal Henri Philippe Pétain, rodeados ambos por unha aureola de
suposto éxito militar, foron mais tarde cuestionados na súa postura política
civil. Para ambos e para os seus países respectivos, foi un desastre sen
paliativos” (sic).
“Nos
países contendentes, o papel controlador da tradición reflexouse tamén
claramente no seu xeito de levala guerra (….) as ideas que pertencían a antiga
estrutura política e económica manifestáronse dun xeito mais notable na súa
actitude para cos soldados rasos (….) dende tempos antigos, na mente dos
terratenentes habíasnos asociado xeralmente co gando, sendo considerados, ao
igual que unha vaca, un recurso de usar e tirar (…) a agonía contida do soldado
de a pe que se enfrontaba a unha morte mais ou menos certa non merecía que se
lle dedicara un pensamento serio” (ídem).
Merecen
actualmente o mesmo trato os cidadáns gregos, uns cidadáns mais i en maior
número fundidos na pobreza e na exclusión social?. Non merecen, non merecemos os
cidadáns españois, portugueses… un pensamento serio?.
Manoel Barbeitos Alcántara.
No hay comentarios:
Publicar un comentario