A crise
financeira-inmobiliaria, o fin por estoupido do boom inmobiliario español puxo
en evidencia, unha vez mais, o fracaso das teses desarrollistas. A idea de
asociar “progreso” a “crecemento económico” leva, con demasiada frecuencia, a
que gobernantes de moi distinto signo –lembremos as declaracións triunfalistas
dos gobernantes españois e galegos: “España
vai ben” (…..) “Estamos seguros de que imos superar a Alamana e a Italia en
renda per capitá” (…) “Galicia medra a un ritmo superior a media española i
europea” (…) encol da marcha das
economías española e galega durante o boom inmobiliario- semella que pechen os
ollos diante do feito de que ese “crecemento económico” –baseado no
desarrollismo- de ningures supón o progreso social e moito menos nas zonas
periféricas caso de Galiza senón que, moi pola contra, conduce finalmente a
unha crise marcada tanto polo deterioro das condicións de vida nesas comunidades,
moi especialmente das súas xentes de rendas medias e baixas, como polo grave
deterioro ecolóxico.
Unha evidencia
dese deterioro social témola nas consecuencias que para moitas familias galegas
i españolas tivo, e segue tendo, o elevado endebedamento en que caeron por mor
de apuntarse a un “crecemento económico” que de ningures significaba progreso
senón que levaba nas súas entrañas a burbulla que o faría estoupar. Un
endebedamento que sitúa a esas familias, que creron no desarrollismo, ao borde
da exclusión social por moitos anos.
Outra evidencia
témola a nivel ecolóxico e medio ambiental: a burbulla inmobiliaria, xunto as
moitas grandes infraestruturas construídas –autopistas, AVEs..- e as
actividades industriais a elas asociadas –moi especialmente as industrias
extractivas da lousa, o granito, a minería … - deixaron unhas paisaxes en
España i en Galiza –como por caso As Mariñas coruñesas, A Costa lucense, O
Macizo central ourensá, A Serra de Queixa, Pontevedra-Vilaboa, Valdeorras, Val
do Louro, O Caurel, Terra Chá, Sarria, por citar algúns dos casos mais
paradigmáticos que non únicos- marcadas por un enorme impacto destrutivo na
natureza tal que tardaranse xeracións –si é que algunha vez se consegue- en
restaurar o equilibrio e a diversidade destruídos. Un impacto que os diferentes gobernantes
españois e galegos semella non chegaron a veren. Estes non tiveron en conta os
efectos regresivos de tal crecemento económico nin tampouco a necesidade, si
falamos de auténtico desenrolo, de conservalos recursos naturais e a
diversidade.
Esta aceptación
como instrumento de progreso e benestar do que resulta seren simple
desarrollismo ven a seren unha vitoria mais da ideoloxía neoliberal sobre o
pensamento progresista. A identificación do incremento da produción –PIB- co progreso e a modernidade tanto
social como individual non deixa de seren –como ensinan múltiples evidencias- mais
que planteamentos obsoletos que, mais cedo que tarde, levan a “unha
miserabilización sen precedentes” (Ivan Ilich).
Planteamentos
obsoletos que derivan de que “todos nos estamos tan influenciados pola
ideoloxía xustificadora do progreso que configurou este sistema histórico que
resúltanos difícil admitir incluso os grandes inconvenientes históricos deste
sistema (….) Lonxe de seren un sistema <<natural>>, como algúns
apoloxistas tratan de manteren o capitalismo histórico é un sistema absurdo (…)
que busca acumular capital co gallo de acumular mais capital” (I. Wallerstein:
“El capitalismo histórico” SIGLO
XXI). Un pensamento absurdo que non é so monopolio das dereitas.
Manoel Barbeitos Alcántara
No hay comentarios:
Publicar un comentario